جی ایچ کیو حملہ کیس کی سماعت انسدادِ دہشت گردی کی خصوصی عدالت میں ہوئی جہاں پاکستان تحریکِ انصاف کے سینیٹر اعظم سواتی پیش ہوئے۔
عدالت میں پیشی کے موقع پر میڈیا سے گفتگو کرتے ہوئے اعظم سواتی نے کہا کہ آج ان کی عدالت میں بھی تاریخ ہے اور اسلام آباد میں بھی، اور اگر سب خیریت سے رہا تو وہ پشاور میں ہونے والے جلسے میں بھی شریک ہوں گے۔ انہوں نے پشاور جلسہ پرامن ہوگا اور اس میں بڑا اجتماع دیکھنے کو ملے گا۔
صحافی کے ایک سوال کے جواب میں جب پوچھا گیا کہ آپ کا جلسہ تو پرامن ہے مگر خیبرپختونخوا میں دہشت گردی کے واقعات ہو رہے ہیں تو اعظم سواتی نے کہا کہ یہ دشمن ہماری فوج، قوم اور پاکستان کے دشمن ہیں۔
سینیٹر سواتی نے مزید کہا کہ ہماری افواج، پولیس اور عوام کے حوصلے بلند ہیں اور ملک دشمن عناصر اپنے مذموم مقاصد میں کبھی کامیاب نہیں ہوں گے۔