سونے کی قیمت میں بڑا اضافہ۔۔ اب کتنا مہنگا ہوا اور نئی قیمت کیا ہے؟

کاروباری ہفتے کے آغاز پر ہی سونے کی قیمتوں میں غیر معمولی اضافہ دیکھنے میں آیا۔ آل پاکستان جیمز اینڈ جیولرز ایسوسی ایشن کے مطابق فی تولہ سونا 5 ہزار 400 روپے مہنگا ہو کر 4 لاکھ 15 ہزار 278 روپے کی بلند سطح پر پہنچ گیا ہے۔

ایسوسی ایشن کا کہنا ہے کہ 10 گرام سونے کی قیمت میں بھی نمایاں اضافہ ہوا ہے، جو 4 ہزار 629 روپے بڑھنے کے بعد 3 لاکھ 56 ہزار 33 روپے ہوگئی ہے۔

عالمی منڈی میں بھی سونے کے نرخ اوپر چلے گئے ہیں، جہاں 54 ڈالر کے اضافے کے بعد فی اونس سونا 3 ہزار 940 ڈالر پر ٹریڈ ہو رہا ہے۔