حکومت نے سوشل میڈیا قوانین میں تبدیلی کردی

بول نیوز  |  Feb 12, 2020

حکومت نے پہلی بار آن لائن سہولیات سے فائدہ اٹھانے والے صارفین کی مدد  کے لیےنئے قواعد و ضوابط متعارف کروادیے ۔

تفصیلات کے مطابق وزارت آئی ٹی نےآن لائن صارفین کےتحفظ  کے لیے نئے قواعد و ضوابط متعارف کروا دیے ہیں جبکہ ایک نئی اتھارٹی کا قیام بھی عمل میں لایا جائے گا ۔

وزارت آئی ٹی کے تحت نیشنل کورآڈینیٹر آفس  قائم کیا جائے گا۔کورآڈینیٹر تمام اسٹیک ہولڈرز اور  وفاقی و صوبائی حکومتوں سے رابطے میں رہے گا۔

وزارت آئی ٹی کے ذرائع کا کہنا ہے کہ نئے قوائد کے تحت   کسی بھی سوشل میڈیا کمپنی  کو تین ماہ میں اتھارٹی سے لازمی رجسٹریشن کروانی ہوگی  ۔

ذرائع کا مزید کہنا ہے کہ سوشل میڈیا کمپنیز 3 ماہ میں پاکستان میں اپنا آفس قائم کرنے کی پابند  ہوں گی جبکہ انہیں ایک سال میں پاکستان میں  اپنے ڈیٹا سرور بنانا  ہوں گے۔

ذرائع وزارت آئی ٹی کا کہنا ہے کہ نئے قواعد کے مطابق  سوشل میڈیا کمپنیز کو شکایت پر 6 گھنٹے میں متنازع یا ممنوعہ مواد بلاک کرنا ہوگا۔

وزارت آئی ٹی کے ذرائع نے بتایا کہ کمپنیز نے تعاون نہ کیا تو اتھارٹی 50 کروڑ روپے تک جرمانہ کرسکے گی جبکہ کمپنیز جرمانے کے خلاف اپیل بھی دائر کرسکیں گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More