سعودی عرب میں دس محرم کے روز ایک افسوسناک واقعہ پیش آیا جس میں سعودیہ کے علاقے الھدیٰ میں واقع ایک پراسرار سیاحتی مقام جسے’دنیا کے کنارے‘ کے نام سے جانا جاتا ہے کے گڑھے کے قریب تین دوست ایک حادثے کے دوران اس وقت چل بسے جب وہ عاشورہ کے دن روزے کی حالت میں تھے اور افطار کے لیے وہاں جا رہے تھے۔
تینوں دوست عاشورہ کے روز بلندی پر پہنچے جہاں انہیں معلوم نہیں تھا کہ یہ
ان کی زندگی کا آخری وقت ثابت ہوگا۔
حادثے میں فوت ہونے والے ایک نوجوان کے رشتہ دار وجدی سیف القائد نے بتایا کہ ان کے چچا عاصم اور ان کے دو دوست حامد العقبہ اور ہاشم السروری جو آپس میں گہرے دوست تھے اس گڑھے میں گر کر فوت ہوگئے۔ وہ تینوں ایک ہی گاڑی میں وہاں پہنچے تھے۔
انہوں نے وضاحت کی کہ تینوں دوست عاشورہ کے موقع پر باہر نکلنے اور ہدیٰ میں افطار کرنے کی غرض سے گڑھے کے کنارے پر جا رہے تھے کہ ان کی گاڑی الٹ گئی اور وہ روزے کی حالت میں فوت ہوگئے۔