پاکستان سپر لیگ کے 10 ویں ایڈیشن کے ڈرافٹس کی میزبانی پہلی بار بلوچستان کے تاریخی شہر گوادر میں کروائے جانے کا اعلان کردیا گیا۔
پی سی بی کی جانب سے جاری اعلامیے میں کہا گیا ہے کہ پاکستان سپرلیگ کے 10 ویں ایڈیشن کی تیاریاں جاری ہیں، بلوچستان کا پورٹ سٹی گوادر پی ایس ایل کے پلیئر ڈرافٹ کی میزبانی کرے گا، تقریب 11 جنوری ہوگی۔
بلوچستان کے ساحلی شہر میں ڈرافٹنگ کا مقصد اس کی ثقافتی اور اقتصادی اہمیت کو اجاگر کرنا ہے، تقریب میں تمام فرنچائز سیزن 10 کے لئے کھلاڑیوں کو چنا کریں گی، پی ایس ایل کا میلہ اپریل مئی میں سجے گا۔
جنوبی افریقا کو بڑا دھچکا، اہم کھلاڑی انجری کے باعث سیریز سے باہر
چیئرمین پی سی بی محسن نقوی کا کہنا ہے کہ گوادر، اپنی شاندار ساحلی پٹی اور اسٹریٹجک اہمیت کے ساتھ پاکستان کے معاشی مستقبل کے دل کی حیثیت رکھتا ہے، یہاں میزبانی کرکے ہمارا مقصد ثقافتی اوراقتصادی اہمیت کو اجاگر کرنا ہے۔
ایچ بی ایل پی ایس ایل کے چیف ایگزیکٹو آفیسر سلمان نصیر کا کہنا ہے کہ مجھے گوادر کو پلیئر ڈرافٹ کے میزبان شہر کے طور پر اعلان کرنے پر بہت فخر ہے، یہ اقدام پاکستان کی خوبصورتی کو دنیا کے سامنے دکھانے کے ہمارے عزم کی عکاسی کرتا ہے۔