Getty Images
جاپان کے مقامی میڈیا کے مطابق ملک کی وزارت خزانہ کے ایک اہلکار نے ایسی دستاویز کھو دی ہیں جس میں ایسے 187 افراد کی ذاتی تفصیلات شامل تھیں جن پر منشیات کی سمگلنگ کا شبہ ہے۔
اس شخص کا نام تو ابھی تک سامنے نہیں آیا تاہم مبینہ طور پر یہ شخص چھ فروری کی رات جاپان کے شہر یوکوہاما میں اپنے دفتری ساتھیوں کے ساتھبار گیا اور اس نے ’پانچ گھنٹے کے دوران نو گلاس بیئر‘ پی لی۔
مقامی میڈیا کے مطابق اس شخص کو اپنے گھر واپس پہنچنے تک اس بات کا احساس نہیں ہوا کہ وہ اپنا بیگ کھو چکا ہے جس میں اہم نوعیت کی تمام دستاویز موجود تھیں۔
جاپان کے سرکاری ٹی وی (این ایچ کے) کے مطابق وزارت خزانہ نے کہا ہے کہ وہ اس واقعے کے بارے میں ’انتہائی معذرت خواہ‘ ہیں جس کی وجہ سے عوام کے اعتماد کو ٹھیس پہنچی۔
وزارت خزانہ کے مطابق ’اس بیگ میں ایسی دستاویز تھیں جن میں ان 187 افراد کے نام اور ایڈریس کی تفصیلات شامل تھیں جن پر منشیات کی سمگلنگ کا شبہ ہے۔‘
اس بیگ میں وزارت خزانہ کے اہلکار کا دفتری لیپ ٹاپ بھی موجود تھا، جس میں ان کی اپنی ذاتی تفصیلات موجود تھیں۔
بی بی سی نے منگل کے روز وزارت خزانہ سے بھی اس بارے میں رابطہ کیا تاہم آج جاپان میں سرکاری چھٹی ہے۔
جاپان میں الکوحل کئی دہایئوں سے استعمال کی جا رہی ہے اور لوگ اکثر کاروباری ملاقاتوں اور مشکل معاملات پر بات چیت کے دوران شراب پیتے ہیں۔
یہ خیال کیا جاتا ہے کہ ایسی گفتگو کے دوران شراب پینے سے زیادہ پر سکون ماحول پیدا ہوتا ہے۔
’شراب کتنی بھی کم پی جائے صحت کے لیے محفوظ نہیں‘شراب پرسکون کرنے کے لیے ہوتی ہے: حقیقت یا فسانہ؟جسم کا وہ عضو جو شراب نوشی ترک کرنے پر خود بخود صحتیاب ہوتا ہےجعلی شراب کیسے جان لیوا ثابت ہو سکتی ہے اور اس کی شناخت کیسے کی جائے؟بدنام زمانہ ’پارٹی ٹاؤن‘ میں پانچ خواتین سیاح ہلاک:’کبھی غور ہی نہیں کیا کہ مفت شراب زہریلی بھی ہو سکتی ہے‘وہ گاؤں جہاں شراب کی فروخت بند کروانے کے لیے ریفرینڈم ہوا