پاکستان اسٹاک ایکسچینج میں کاروباری ہفتے کا آغاز شاندار تیزی کے ساتھ ہوا اور کے ایس ای 100 انڈیکس نے ایک لاکھ 63 ہزار پوائنٹس کی نئی بلند ترین سطح عبور کرلی۔
پیر کے روز مارکیٹ کا آغاز مثبت رجحان سے ہوا، ابتدائی طور پر انڈیکس میں 659 پوائنٹس کا اضافہ ریکارڈ کیا گیا جس سے انڈیکس 1,62,916 پوائنٹس تک پہنچ گیا۔ بعد ازاں مزید تیزی کے نتیجے میں 854 پوائنٹس اضافے کے ساتھ 100 انڈیکس 1,63,111 پوائنٹس کی تاریخی سطح کو چھو گیا جو پاکستان اسٹاک مارکیٹ کی اب تک کی بلند ترین سطح ہے۔
یاد رہے کہ گزشتہ کاروباری ہفتے کے آخری روز بھی بازارِ حصص میں زبردست تیزی دیکھی گئی تھی اور انڈیکس 1901 پوائنٹس کے اضافے سے 1,61,181 پوائنٹس تک پہنچ گیا تھا جبکہ 26 ستمبر کو بھی انڈیکس میں 2976 پوائنٹس کا ریکارڈ اضافہ ہوا تھا۔