’ہوائی اڈوں پر طیاروں کے پرو ں پر جمی برف صاف کرنےکی صلاحیت نہیں‘

ہم نیوز  |  Jan 13, 2020

اسلام آباد: سول ایوی ایشن اتھارٹی (سی اے اے) نے انکشاف کیا ہے کہ  ملک کے کسی بھی ہوائی اڈے پر طیاروں کے پرو ں پر جمی برف صاف کرنےکی صلاحیت نہیں ہے۔

سی اے اے کے مطابق طیاروں کے پروں پر جمی برف صاف کرنے کے لیے خصوصی کیمیکل، آلات اور سرٹیفکیٹ درکار ہوتا ہے، جو کہ اس وقت موجود نہیں ہے۔

سی اے اے کا کہنا ہے کہ طیاروں کے پروں سے برف ہٹانے کی صلاحیت اسکردو کے ہوائی اڈے پر بھی موجود نہیں ہے۔

سی اے اے کے مطابق قوانین کے تحت طیاروں کے پروں سے برف صاف کرنے کی ذمہ داری ائرلائن پر عائد ہوتی ہے۔

سی اے اے صرف ہوائی اڈوں کے رن وے اور ٹیکسی وے پر سے برف ہٹانے کو یقینی بناتی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More