روس:کورونا وائرس میں مبتلا ہونے کا مذاق نوجوان کو مہنگا پڑگیا

نوائے وقت  |  Feb 14, 2020

روسی عدالت نے معروف یوٹیوبر کو ٹرین میں سنسنی پھیلانے کے جرم میں قید کی سزا سنادی، یوٹیوبر نے چین کے ہلاکت خیز کورونا وائرس میں متاثر ہوکر ٹرین میں بےہوش ہونے کا ڈرامہ کیا تھا۔

 رپورٹ کے مطابق روسی عدالت نے مزاحیہ ویڈیو بناکر یوٹیوب پر شیئر کرنے والے نوجوان اسٹار کو ہلاکت خیز کورونا وائرس کے حوالے سے مذاق کرنے اور عوام میں سنسنی پھیلانے پر 5 سال قید کی سزا سنائی گئی ہے۔

ویڈیو میں دیکھا جاسکتا ہے کہ سیاہ کپڑوں میں ملبوس نوجوان کو دیکھا جاسکتا ہے جس نےچہرے پر ماسک لگایا ہوا ہے، نوجوان زیر زمین چلنے والی ٹرین میں سفر کرتے ہوئے اچانک زمین پر گرجاتا ہے اور تڑپنے لگتا ہے۔

نوجوان کی مدد کرنے کے لیے لوگ آگے بڑھتے ہیں مگر کچھ دیر میں ہی کورونا وائرس، کورونا وائرس چیختے ہوئے بھاگنے لگے۔

پورے واقعے کی ویڈیو یوٹیوب اسٹار نے سوشل میڈیا پر شیئر کرتے ہوئے عوام کو بتایا کہ یہ صرف ایک مذاق تھا، جس کے بعد پولیس نے ملزم کو عوام میں سنسنی پھیلانے کے جرم میں گرفتار کرلیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More