پیپلز پارٹی کے بانی رہنما ڈاکٹر مبشر حسن انتقال کرگئے

اردو نیوز  |  Mar 15, 2020

پاکستان پیپلز پارٹی کے بانی ڈاکٹر مبشر حسن لاہور میں انتقال کر گئے ہیں۔

ڈاکٹر مبشر حسن نے پاکستان پیپلز پارٹی کی بنیاد رکھی تھی اور ذوالفقار علی بھٹو کی حکومت میں وزیر خزانہ بھی رہ چکے تھے۔

پیپلز پارٹی نے اپنے ٹوئٹر اکاؤنٹ سے ڈاکٹر مبشر کی وفات پر اظہار تعزیت کیا۔ ٹویٹ میں ڈاکٹر مبشر کی خدمات کو سراہتے ہوئے کہا ہے کہ وہ ذوالفقار علی بھٹو کے ’سچے کامریڈ‘ تھے اور پسے ہوئے طبقات کی آواز تھے۔

پیپلزپارٹی سے دور جاکر بھی وہ کسی آمر کے قریب نہیں گئے۔چودھری منظور احمد

پیپلزپارٹی ڈاکٹر مبشر حسن کی خدمات کی ہمیشہ معترف رہے گی قمر زمان کائرہ

— Pakistan Peoples Party (@PPP_Org) March 14, 2020

ڈاکٹر مبشر حسن پاکستان ہیومن رائٹس کمیشن (ایچ آر سی پی) کے بانی ممبران میں سے تھے۔

ایچ آر سی پی نے ٹویٹ میں ڈاکٹر مبشر حسن کے انتقال پر تعزیت کی۔ ایچ آر سی پی نے ٹویٹ میں لکھا کہ ڈاکٹر مبشر حسن نامور دانشور اور سیاست دان تھے اور ان کی وفات ناقابل تلافی نقصان ہے۔

HRCP deeply mourns the passing of Dr Mubashir Hasan, a leading public intellectual, author, politician, and one of the Commission's founder members. He was also one of the architects of the Pakistan-India People's Forum for Peace and Democracy. His is an irreparable loss.

— Human Rights Commission of Pakistan (@HRCP87) March 14, 2020

صحافی محمد ضیاالدین نے ڈاکٹر مبشر حسن کے انتقال پر افسوس کا اظہار کرتے ہوئے لکھا کہ انہوں نے پاکستان کی معاشی ماڈل کو تبدیل کرنے کی کوشش کی اور پاکستان کو ان ممالک کی فہرست سے نکالنے کی کوشش کی جو امداد کے لیے ’بھیک‘ مانگتے ہیں۔

HRCP deeply mourns the passing of Dr Mubashir Hasan, a leading public intellectual, author, politician, and one of the Commission's founder members. He was also one of the architects of the Pakistan-India People's Forum for Peace and Democracy. His is an irreparable loss.

— Human Rights Commission of Pakistan (@HRCP87) March 14, 2020

ٹوئٹر پر ڈاکٹر مبشر کی ذوالفقار علی بھٹو اور دیگر پارٹی ممبران کے ساتھ 1967 کی تصویر بھی شیئر کی جا رہی ہے جس دن ڈاکٹر مبشر کی رہائش گاہ پر پاکستان پیپلز پارٹی کی بنیاد رکھی گئی تھی۔

30th Nov 1967 team SZAB, the founding members/leaders of PPP at Late Dr Mubashir Hasan’s house. My father the youngest member of all standing in the first row extreme left. #FoundersOfPPP pic.twitter.com/ouOJ5yII3y

— Mustafa Abdullah Baloch (@MustafaBaloch_) March 14, 2020

ڈاکٹر مبشر کے خاندان کے مطابق ان کی نماز جنازہ آج سنیچر کو 5:30 بجے لاہور میں باغ رحمت کے مقام پر ادا کی جائے گی۔  

ڈاکٹر مبشر حسن نے پاکستان کی معیشت اور سیاست پر متعدد کتابیں لکھی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More