کورونا: امریکی ریاست کیلی فورنیا میں دس لاکھ افراد بیروزگار

ہم نیوز  |  Mar 26, 2020

کیلی فورنیا: عالمی وبا قرار دیے جانے والے کورونا وائرس نے جہاں بنی نوع انسان کے ہر شعبہ ہائے زندگی کو متاثر کیا ہے وہیں اس نے معاشی طور پر بھی انتہائی تباہ کن نتائج مرتب کرنا شروع کردیے ہیں جب کہ ماہرین اقتصادیات کا کہنا ہے کہ ابھی تو ابتدا ہے، اصل اثرات تو آانے والے مہینوں میں ظاہر ہوں گے۔

کورونا وائرس نے لوگوں کی معاشی زندگیوں پر کس طرح اور کیا اثرات مرتب کرنا شروع کیے ہیں؟ اس کی ایک جھلک اس وقت سامنے آئی جب امریکہ کی ایک معروف اور معاشی طور پر مستحکم ریاست کیلی فورنیا میں سرکاری حکام  کے حوالے سے عالمی ذرائع ابلاغ نے بتایا کہ کیلی فورنیا میں کورونا وائرس سے اب تک دس لاکھ افراد بیروزگار ہو چکے ہیں۔

عالمی ذرائع ابلاغ کے مطابق ریست کیلی فورنیا میں صرف 13 مارچ سے اب تک دس لاکھ افراد نے ملازمت کے حصول کے لیے مروجہ فارم بھرا ہے۔

ہم نیوز کے مطابق کیلی فورنیا کے گورنر گیون نیوسم کا کہنا ہے کہ کورونا وائرس سے متاثر ہونے والے افراد کی عمریں 18 سے 49 سال کے درمیان ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More