کورونا کے باعث فیس بک کااستعمال 70 فیصد بڑھ گیا

ہم نیوز  |  Mar 26, 2020

کوروناوائرس سے دنیا کے198ممالک متاثر ہیں اور تمام بڑے شہروں میں لاک ڈاؤن کے سبب لوگ گھروں میں محصور ہیں۔

گھروں میں محصور لوگ اپنے آپ کو مصروف رکھنے کیلئے سماجی رابطوں کی ویب سائٹس استعمال کر رہے ہیں اور فیس بک کا استعمال بھی70 فیصد بڑھ گیا ہے۔

واٹس ایپ، ایمو اور ویڈیو ایپلی کیشنز کے استعمال میں بھی اضافہ ریکارڈ کیا گیا ہے۔  کورونا وائرس کے باعث گروپ ویڈیو چیٹ میں بھی 70فیصد اضافہ ہوا۔

لوگوں کے گھروں میں رہنے کے سبب فیس بک اور سماجی رابطوں کی دیگر ویب سائٹس پر ٹریفک میں پچاس فیصد اضافہ ہوا ہے۔

کورونا وائرس کے سبب دنیا کے تمام بڑے شہروں میں لاک ڈاؤن کی صورتحال ہے اور کروڑوں لوگ محصور ہو کر رہ گئے۔ اکثرممالک نے وائرس کا پھیلاؤ کم کرنے کیلئےعوامی مقامات بند کر دیئے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More