غیرملکی ایئرلائنز کے پاس پاکستانیوں کے  3ارب پھنس گئے

سماء نیوز  |  Apr 10, 2020

فضائی کمپنیوں نے کرونا وائرس کی وباء کے باعث منسوخ ہونے والی پروازوں کے ٹکٹوں کی رقوم واپس کرنے سے انکار کردیا ہے جس پر ٹریول ایجنٹس ایسوسی ایشن نے غیر ملکی ایئرلائنز کے منافع کی بیرون ملک منتقلی پر پابندی کا مطالبہ کردیا۔

انٹرنیشنل ایئر ٹرانسپورٹ ایسوسی ایشن نے کلیمز جمع کرنے کا سسٹم معطل کردیا ہے۔ سسٹم بند ہونے کی وجہ سے کلیمز جمع نہیں ہورہے۔ فضائی کمپنیاں اربوں روپے کے کلیمز کی جگہ متبادل ٹریول واؤچر کی پیشکش کر رہی ہیں جبکہ مسافروں کی جانب سے غیر استعمال شدہ ٹکٹوں کی نقد رقوم کا مطالبہ کیا جارہا ہے۔

پاکستانی مسافروں کی 3 ارب روپے سے زائد کی رقوم منسوخ شدہ ٹکٹوں کی شکل میں پھنس گئی ہیں۔ ٹریول ایجنٹس ایسوسی ایشن آف پاکستان نے کہا ہے کہ کلیمز کی مکمل رقوم واپس نہ ہوئیں تو بحران کا شکار ایجنٹس کا دیوالیہ نکل جائے گا۔

ٹریول ایجنٹس ایسوسی ایشن آف پاکستان نے مطالبہ کیا ہے کہ پاکستانیوں کی پھنسی ہوئی رقوم کی واپسی تک غیر ملکی ایئرلائنز کو منافع اپنے ملکوں کو منتقل کرنے پر پابندی عائد کی جائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More