اماراتی حکومت کا پاکستان سول ایوی ایشن کو خط، اہم معاملے میں وضاحت مانگ لی، جانیے تفصیلات

سچ ٹی وی  |  Jun 30, 2020

اس سلسلے میں یو اے ای کی جنرل سول ایوی ایشن اتھارٹی کے ڈی جی نے پاکستان کے ڈی جی سول ایویشن اتھارٹی کو خط لکھ کر معاملے پر وضاحت مانگ لی ہے۔

خط میں کہا گیا ہے کہ مشتبہ لائسنس پائلٹس معاملے پر پاکستان کے متحدہ عرب امارات کی ایرلائن میں کام کرنے والے پاکستانی پائلٹس اور فلائٹ آپریشن افسران کی تصدیق کی جائے۔

خط کے مطابق سی اے اے پاکستان مشکوک اور جعلی لائسنس سے متعلق بھی وضاحت بیان کرے جب کہ سی اے اے پاکستان 50 پاکستانی پائلٹس اور چار فلائٹ آپریشن افسران کے لائسنس کی جانچ پڑتال کرکے رپورٹ فراہم کرے۔

خط میں کہا گیا ہے فلائٹ سیفٹی کے طور جانچ انتہائی اہم ہے، کراچی: پاکستان سی اے اے فلائٹ مینٹیننس انجینئرز اور فلائٹ آپریشن افسران کو کس طرح لائسنس جاری کرتا ہے اس کی وضاحت کی جائے۔

دوسری جانب یورپئین یونین ایوی ایشن سیفٹی ایجنسی کے بعد برطانوی سول ایوی ایشن اتھارٹی نے بھی پی آئی اے کی پروازیں معطل کر دیں۔

ترجمان سی اے اے برطانیہ کے مطابق یورپئین یونین ایوی ایشن سیفٹی ایجنسی کے فیصلے کے تناظر میں پروازیں معطل کر رہے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More