کورونا سے صحت مند مریضوں کی تعداد زیر علاج مریضوں سے بڑھ گئی

اب تک  |  Jul 06, 2020

اسلام آباد:(03 جولائی 2020)ملک میں کورونا وائرس کے کیسز کی تعداد دو لاکھ اکیس ہزار سے تجاوز کرگئی ہے،جبکہ کورونا نے مزید اٹھہتر مریضوں کی جان لے لی ہے۔

نیشنل کمانڈ اینڈ آپریشن کے اعداد و شمار کےمطابق پاکستان میں کورونا سے صحت یاب ہونے والے مریضوں کی تعدادزیر علاج مریضوں کی تعداد سے بڑھ گئی ہے ملک میں کورونا سے متاثرہ ایک لاکھ تیرہ ہزار چھ سو تئیس مریض صحتیاب ہوچکے جبکہ کورونا کے ایکٹو کیسز کی تعداد ایک لاکھ تین ہزار سات سو بائیس ہے۔

گزشتہ چوبیس گھنٹوں میں چار ہزار ستاسی افراد میں کورونا وائرس کی تصدیق ہوئی جس سے ملک بھر میں کورونا کیسز کی تعداد دو لاکھ اکیس ہزارآٹھ سو چھیانوے ہوگئی ہے جبکہ ایک روز میں مزید اٹھہتر کورونا مریضوں کے انتقال سے ہلاکتوں کی تعداد بڑھ کر چار ہزار پانچ سو اکیاون تک پہنچ گئی ہے۔

این سی او سی کے مطابق سندھ میں سب سے زیادہ کورنا کیسز نواسی ہزار دو سو پچیس رپورٹ ہوئے،پنجاب میں اٹھہتر ہزار نو سو چھپن،خیبرپختونخواہ میں ستائیس ہزار ایک سو ستراور بلوچستان میں دس ہزار چھ سو چھیاسٹھ کورونا کیس رپورٹ ہوئے۔

اسلام آباد میں کورونا سے متاثرہ مریضون کی تعداد تیرہ ہزار ایک سو پچانوے،گلگت بلتستان میں ایک ہزار پانچ سو چوبیس اور آزاد کشمیر میں کورونا کیسز کی تعداد ایک ہزار ایک سو ساٹھ ہے۔

این سی او سی کے مطابق پنجاب میں کورونا سے اموات کی تعداد ایک ہزار آٹھ سو انیس، سندھ میں ایک ہزار چارسو سینتیس،خیبر پختونخواہ میں نو سو تراسی بلوچستان میں ایک سو بائیس،اسلام آباد میں ایک سو انتیس،گلگت بلتستان میں اٹھائیس جبکہ آزاد کمشیر میں کورونا سے مرنے والوں کی تعداد تینتیس ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More