بھوک، پیاس، دم گھٹنے سے شیر کی ہلاکت ہوئی، رپورٹ میں انکشاف

ہم نیوز  |  Aug 01, 2020

اسلام آباد کے مرغزار چڑیا گھر سے منتقلی کے دوران شیر کی ہلاکت کی میڈیکل رپورٹ سامنے آ گئی ہے۔

رپورٹ میں انکشاف ہوا ہے کہ شیر کی ہلاکت بھوک، پیاس اور دم گھٹنے سے ہوئی ہے۔

میڈیکل رپورٹ کے مطابق شیر بھوک پیاس سے لاغر ہو چکا تھا، سفر کے دوران شیر کیلئے جگہ انتہائی کم تھی جب کہ خون نکلنے کی وجہ سے اس کے پھیپھڑوں کا رنگ سرخ کالا ہوچکا تھا۔

رپورٹ کے مطابق شیر کو کھانا دیا گیا نہ ویکسین، پھیپھڑوں اور معدے میں سوجن بھی تھی۔

رپورٹ کے مطابق دوران سفر مناسب جگہ نہ ملنے سے شیر کا دم بھی گُھٹا۔ بچانےکیلئےتھراپی کی گئی لیکن شیر جانبر نہ ہوسکا۔

یاد رہے کہ 30 جولائی کو اسلام آباد کے مرغزار چڑیا گھر میں انتظامیہ کی غفلت کے باعث ببر شیر اور شیرنی ہلاک ہو گئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More