مرحوم اداکارعرفان خان کےبیٹے کی خواب میں والدسےملاقات

سماء نیوز  |  Sep 26, 2020

رواں برس دنیا سے کوچ کرنے والے بالی ووڈ اداکار عرفان خان گزشتہ رات بیٹے بابیل خان کے خواب میں آئے مگر کچھ نہ کہا، بس مسکراتے رہے۔

انسٹاگرام پر عرفان خان کے بیٹے نے اپنے والد کے ہمراہ ایک یادگار تصویر پوسٹ کرتے ہوئے والد کی یاد میں ایک جذباتی پیغام لکھا۔

بابیل خان نے اپنے خواب کو یاد کرتے ہوئے لکھا کہ میں گزشتہ رات 14 گھنٹے تک سوتا رہا اور میں نہیں چاہتا تھا کہ میں اس نیند سے اُٹھوں کیونکہ میں خواب میں اپنے والد کو دیکھ رہا تھا۔

I slept for 14 hours and I didn’t want to wake up cause I was dreaming about you. Waking up is the worst, I hate realising everyday that you’re gone. You didn’t say anything, we just laughed. (He’s playing the OG ‘bounce’)

A post shared by Babil (@babil.i.k) on Sep 24, 2020 at 9:20am PDT

بابیل خان نے جذباتی ہوتے ہوئے لکھا کہ مجھے نیند سے جاگنا پسند نہیں کیونکہ جاگنے کے بعد ہر دن یہ احساس ہوتا ہے کہ میرے والد مجھے چھوڑ کر چلے گئے ہیں۔

اُنہوں نے اپنے خواب کے بارے میں بتاتے ہوئے لکھا کہ خواب میں میرے والد نے کچھ نہیں کہا میں اور وہ بس مُسکرا رہے تھے۔

واضح رہے کہ رواں برس 29 اپریل کو اداکار عرفان خان 53 برس کی عمر میں انتقال کر گئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More