جوہری اور اسٹریٹجک صلاحیت مکمل طور پر محفوظ ہے، وزیر اعظم

ہم نیوز  |  Oct 01, 2020

اسلام آباد: وزیراعظم عمران خان نے کہا ہے کہ مضبوط کمانڈ اینڈ کنٹرول سسٹم کے تحت پاکستان کی جوہری اور اسٹریٹجک صلاحیت مکمل طور پر محفوظ ہے۔

ہم نیوز کے مطابق انہوں نے یہ بات سیٹلائٹ گراوَنڈ اسٹیشن اسپارکو اسلام آباد کے دورے کے موقع پرکہی۔ انہیں اس موقع پراسپیس، سائنس اور ٹیکنالوجی میں اسپارکو کی صلاحیتوں سے متعلق آگاہ کیا گیا۔

وزیراعظم عمران خان کو قومی سلامتی، سماجی و معاشی ترقی میں اسپارکو کے کردار پر بھی بریفنگ دی گئی۔

اس ضمن میں جاری کردہ اعلامیہ کے مطابق  وزیراعظم عمران خان نے تیکنیکی سہولتوں کا جائزہ لیا۔ انہوں نے اس موقع پر انجینئرزاورسائنس دانوں سے بات چیت بھی کی۔

ہم نیوز کے مطابق وزیراعظم عمران خان نے اس موقع پر کہا کہ اسٹریٹجک صلاحیتوں کو تقویت دینے میں تمام دستیاب وسائل بروئے کارلائے جائیں گے۔

انہوں نے کہا کہ مضبوط کمانڈ اینڈ کنٹرول سسٹم کے تحت پاکستان کی جوہری اوراسٹریٹجک صلاحیت مکمل طور پر محفوظ ہے۔

وزیراعظم عمران خان نے کہا کہ اہم قومی مفادات کے تحفظ کے لیے اسٹریٹجک صلاحیت کو مستحکم بناتے رہیں گے۔

ہم نیوز کے مطابق وزیراعظم عمران خان نے اسپیس بیسڈ خدمات اورانفراسٹرکچرکی توسیع کے لیے ہرممکن تعاون کی یقین دہانی کرائی۔

اسپارکو نے بلین ٹری سونامی منصوبے کو کامیاب قرار دے دیا

جاری کردہ اعلامیہ میں کہا گیا ہے کہ نیشنل اسپیس پروگرام 2047 ملک کی معاشرتی و اقتصادی ترقی کو تقویت دے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More