انڈین کرکٹر کپل دیو کو دل کا دورہ، ہسپتال منتقل

اردو نیوز  |  Oct 23, 2020

انڈین کرکٹ ٹیم کے سابق کپتان اور انڈیا کو پہلا ورلڈ کپ جتانے والے مایہ ناز کرکٹر کپل دیو کو دل کا دورہ پڑا ہے اور انھیں ہسپتال میں داخل کیا گیا ہے۔

خبررساں ادارے اے این آئی کے مطابق انھیں رات ایک بجے سینے میں درد کے بعد جنوبی دہلی میں اوکھلا روڈ پر واقع فورٹس ہسپتال میں داخل کرایا گیا۔

ان کی فوری طور پر کورونیری اینجیوپلاسٹی کی گئی اور فی الحال وہ انتہائی نگہداشت کے شعبے میں ہیں۔

 

خبررساں ادارے کے مطابق ڈاکٹر ماتھر اور ان کی ٹیم کپل دیو کی نگرانی کر رہی ہے۔

سوشل میڈیا پر ان کی جلد صحتیابی کی خواہشات کا اظہار کیا جا رہا ہے جبکہ مختلف میڈیا رپورٹس میں ان کی حالت سٹیبل بتائی جا رہی ہے۔

Cricketer Kapil Dev came to Fortis Escorts Heart Institute (Okhla Road) emergency department at 1:00 am on 23rd October with a complaint of chest pain. He was evaluated and an emergency coronary angioplasty was performed in the middle of night: Fortis Escorts, Okhla, Delhi https://t.co/8B71eclyq1

— ANI (@ANI) October 23, 2020

کانگریس رہنما اور رکن پارلیمان ششی تھرور نے ان کی حالت پر تشویش کا اظہار کرتے ہوئے ٹویٹ کیا: 'کپل دیو کو دل کا دورہ پڑنے اور ان کے ہسپتال میں داخل ہونے کی خبر سے متفکر ہوں۔ ان کے قوی دل نے انڈیا کے لیے بہت سے میدان جیتے۔ میں اس میدان میں بھی ان کی جیت کے لیے دعاگو ہوں۔'

Concerned to learn that the legendary #KapilDev has suffered a heart attack & is in hospital. His mighty heart won many a battle for India. Wishing him the very best in winning this one too.

— Shashi Tharoor (@ShashiTharoor) October 23, 2020

کپل دیو نے انڈیا کو سنہ 1983 میں انگلینڈ میں کھیلے گئے تیسرے ورلڈ کپ میں کامیابی سے ہمکنار کیا تھا۔ وہ اپنے زمانے میں عمران خان، ایان باتھم اور ہیڈلی کے ساتھ دنیا کے بہترین چار آل راؤنڈرز میں شمار ہوتے تھے جبکہ وہ آج تک انڈیا کے بہترین آل راؤنڈر ہیں جن کی جگہ اب تک کوئی نہیں لے سکا ہے۔

انڈیا کی ورلڈ کپ جیت پر ایک فلم 83' رواں سال ریلیز ہونے والی تھی لیکن وہ کورونا کی وبا کی وجہ سے ریلیز نہ ہوسکی۔ ان کا اہم کردار اداکار رنویر سنگھ نے ادا کیا ہے جبکہ ان کی اہلیہ رومی کا کردار اداکارہ دیپکا پاڈو کون نے ادا کیا ہے۔

کپل نے 131 ٹیسٹ میچز میں انڈیا کی نمائندگی کی اٹھ سنچری اور 27 نصف سنچری کے ساتھ پانچ ہزار 248 رنز بنائے جبکہ انھوں نے 434 وکٹیں بھی حاصل کیں۔ 225 ایک روزہ میچوں میں تین ہزار 979 رنز بنائے جس میں زمبابوے کے خلاف ورلڈ کپ میں ان کے 175 رنز کی اننگز بھی شامل ہے اور وہی ان کی واحد سنچری ہے۔ ونڈے میں انھوں نے 254 وکٹیں حاصل کی ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More