پہلاون ڈے:پاکستان کازمبابوے کیخلاف ٹاس جیت کربیٹنگ کافیصلہ

سماء نیوز  |  Oct 30, 2020

پاکستان اور زمبابوے کے درمیان کھیلے جانے والے پہلے ون ڈے میچ میں پاکستان نے مہمان ٹیم کے خلاف ٹاس جیت کر پہلے بیٹنگ کا فیصلہ کیا ہے۔

دونوں ٹیموں کے درمیان پہلا ایک روزہ میچ راول پنڈی اسٹیڈیم میں کھیلا جا رہا ہے۔ کرونا وائرس کے باعث اسٹیڈیم میں تماشائیوں کو آنے کی اجازت نہیں۔ ون ڈے سیریز کا دوسرا مقابلہ یکم نومبر جبکہ تیسرا میچ 3 نومبر کو کھیلا جائے گا۔

ون ڈے میچ میں پاکستانی ٹیم کی قیادت بابر اعظم کر رہے ہیں۔ دونوں ٹیموں کے درمیان 3 ون ڈے میچز کھیلے جائیں گے۔ پاکستانی ٹی میں بابر اعظم، محمد رضوان، امام الحق، عابد علی، فخر زمان، حارث سہیل، افتخار احمد، خوشدل شاہ، فہیم اشرف، عماد وسیم، عثمان قادر، وہاب ریاض، شاہین شاہ آفریدی، حارث رؤف اور موسیٰ خان شامل ہیں۔

نائب کپتان شاداب خان انجری کے باعث اسکواڈ میں جگہ بنانے میں ناکام رہے ہیں، شاداب خان کا دوسرے میچ میں بھی شرکت کا امکان نہیں ہے۔

میچ سے قبل وقار یونس کی جانب سے حارث رؤف کو پہلے ون ڈے میچ میں شرکت پر ٹوپی پہنائی گئی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More