کراچی: جعلی مقابلے پر پولیس اہلکار کو سزائے موت

سماء نیوز  |  Nov 21, 2020

کراچی کی انسداد دہشت گردی عدالت نے 2018ء میں جعلی پولیس مقابلے میں شہری کی ہلاکت کا جرم ثابت ہونے پر پولیس اہلکار کو سزائے موت سنادی۔

کراچی میں پولیس کی جانب سے انکاؤنٹر قرار دیا جانیوالا واقعہ شاہ فیصل کالونی کے علاقے میں 18 جنوری 2018ء کو پیش آیا تھا، جس میں مقصود نامی نوجوان رکشہ ڈرائیور پولیس فائرنگ سے جاں بحق ہوگیا تھا۔

پولیس کی جانب سے دعویٰ کیا گیا تھا کہ پولیس اور ڈاکوؤں کے درمیان فائرنگ کے تبادلے میں مقصود جاں بحق ہوا تھا۔

ہفتہ کو انسداد دہشت گردی کی عدالت نے واقعے کو جعلی پولیس مقابلہ قرار دیتے ہوئے ایک پولیس افسر اے ایس آئی طارق کو پاکستان پینل کوڈ کی دفعہ 302 (قتل) کے تحت سزائے موت سنادی۔

واقعے میں ملوث دیگر تین پولیس اہلکاروں عبدالوحید، شوکت علی اور اکبر خان کو شک کا فائدہ دے کر بری کردیا گیا۔

اے ٹی سی نے اے ایس آئی طارق پر دو لاکھ روپے جرمانہ بھی عائد کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More