دنیا میں سب سے زیادہ استعمال کی جانے والی سافٹ وئیر مائیکروسافٹ کی جانب سے اہم اعلان، مائیکروسافٹ نے اپنے پلیٹ فارم 'ٹیمز' پر زبردست سہولت متعارف کروا دی۔
تفصیلات کے مطابق دنیا کی مقبول ترین امریکی سافٹ وئیر کمپنی مائیکروسافٹ نے اپنے صارفین کو گروپ کالنگ کے لئے ٹیمز پر 24 گھنٹے طویل مفت کال کی سہولت فراہم کر دی ہے،کمپنی کے مطابق اس سہولت کے زریعے صارفین بھرپور مستفید ہوں گے۔
اس فیچر کے زریعے ٹیمز کے صارفین 300 افراد کا گروپ بنا کر بھی مفت ویڈیو کال کر سکتے ہیں جوکہ دیگر پلیٹ فارمز کے مقابل ایک بڑی تعداد ہے، جبکہ 24 گھنٹوں طویل ویڈیو کال زوم اور گوگل میٹ کے مقابلے بھی سب سے طویل مدت کی ویڈیو کال ہے۔
عالمی وبا کورونا وائرس کے دوران صارفین کی سہولت کے لئے یہ مائیکروسافٹ کا پہلا اقدام ہے البتہ اس سے قبل مائیکروسافٹ نے اپنی زیرِ ملکیت سروس اسکائپ میں بھی لاگ اِن فری میٹنگ فیچر متعارف کروائی تھی۔
یاد رہے کہ دنیا بھر میں کورونا کے باعث معمولاتِ زندگی میں بےحد تبدیلیاں آئیں ہیں جس کی وجہ سے آن لائن ویڈیو چیٹ کی شرح میں اضافہ ہوا ہے۔