اداکارہ مریم نفیس عالمی وبا میں مبتلا،مداحوں سے صحتیابی کیلئے دعا کی اپیل

بول نیوز  |  Nov 28, 2020

پاکستان شوبز انڈسٹری کی نئی ابھرتی ہوئی خوبرو اداکارہ مریم نفیس کا کورونا وائرس ٹیسٹ مثبت آگیا ہے۔

تفصیلات کے مطابق مریم نفیس نے فوٹو اینڈ ویڈیو شیئرنگ ایپ انسٹاگرام پر اپنی سیلفی پوسٹ کی ہے جو انہوں نے آئسولیشن کے دوران لی۔

انسٹاگرام پر سیلفی پوسٹ کرتے ہوئے مریم نفیس نے کیپشن میں لکھا کہ ’میں آپ سب کو آئسولیشن سے سلام بھیج رہی ہوں کیونکہ میں بدقسمتی سے عالمی وباءکورونا وائرس کی دوسری لہر کا شکار ہوگئی ہوں۔‘

 

View this post on Instagram

 

A post shared by مریم نفیس (@mariyam.nafees)

مریم نفیس نے کہا کہ ’مجھے کورونا وائرس کی علامات ظاہر ہوئیں جس کے بعد میں نے اپنا کورونا ٹیسٹ کروایا اور اس کے نتائج مثبت آئے ہیں‘۔

خوبرو اداکارہ نے مداحوں سے دعا کی اپیل کرتے ہوئے کہا کہ ’میری جلد صحت یابی کے لیے دعا کریں‘۔

مریم نفیس نے مداحوں کو عالمی وبا کورونا وائرس کی احتیاطی تدابیر اختیار کرنے کا مشورہ دیتے ہوئے کہا کہ ’براہِ کرم ماسک پہنیں، سماجی فاصلے کا خیال رکھیں، خود بھی محفوظ رہیں اور اپنے آس پاس کے لوگوں کو بھی اس وائرس سے بچائیں۔‘

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More