پاکستان اور سوڈان کے مابین خوشگوار دو طرفہ تعلقات ہیں، شاہ محمود قریشی

بول نیوز  |  Nov 28, 2020

وزیر خارجہ شاہ محمود قریشی کا کہنا ہے کہ  پاکستان اور سوڈان کے مابین خوشگوار دو طرفہ تعلقات ہیں ۔

تفصیلات کے مطابق  وزیر خارجہ شاہ محمود قریشی کی او آئی سی وزرائے خارجہ کونسل کے 47 ویں اجلاس کے موقع پر سوڈانی وزیر خارجہ عمر قمرالدین اسماعیل کے ساتھ ملاقات ہوئی۔

ملاقات میں دو طرفہ تعلقات ،سرمایہ کاری کے فروغ سمیت باہمی دلچسپی کے امور پر تبادلہ خیال کیا گیا۔

وزیر خارجہ نے کہا کہ  پاکستان اور سوڈان کے مابین خوشگوار دو طرفہ تعلقات ہیں ۔

شاہ محمود قریشی نے کہا کہ افریقہ 1.3 ارب آبادی اور 54 ریاستوں پر مشتمل ایک انتہائی اہم براعظم ہے ۔ پاکستان انگیج افریقہ کی حکمت عملی پر عمل پیرا ہے ۔

انہوں نے مزید کہا کہ پاکستان اور سوڈان کے مابین سیکیورٹی ، تعلیم، صحت اور زراعت سمیت مختلف  شعبوں میں دو طرفہ تعاون کے وسیع مواقع موجود ہیں ۔

دونوں وزرائے خارجہ کے مابین تجارت و سرمایہ کاری کے  فروغ کے حوالے سے بھی تبادلہ خیال ہوا۔

دونوں وزرائے خارجہ کا دو طرفہ اقتصادی تعاون کے فروغ کے حوالے سے مشاورتی سلسلہ جاری رکھنے پر اتفاق ہوا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More