نیب اجلاس، اسحاق ڈار سمیت متعدد افراد کیخلاف کرپشن کیس کی انکوائری کی منظوری

بول نیوز  |  Dec 03, 2020

نیب  نے سابق وزیر خزانہ  اسحاق ڈار سمیت متعدد افراد کے خلاف کرپشن کیسز کی انکوائری کی منظوری دے دی ہے۔

تفصیلات کے مطابق چیئرمین نیب جسٹس ریٹائرڈ جاوید اقبال کی زیر صدارت نیب ایگزیکٹو بورڈ کا اجلاس ہوا جس میں  ڈپٹی چیئرمین نیب سمیت دیگر حکام  نے شرکت کی۔

اجلاس میں میگا کرپشن کیسز سمیت دیگر اہم کیسز کا جائزہ لیا گیا۔ نیب ایگزیکٹو بورڈ نے دو نیب ریفرنسز اور سات انکوائریزکی منظوری دے دی۔

نیب اجلاس میں سابق وزیر خزانہ اسحاق ڈار اور سابق وزیر اعلیٰ گلگت بلتستان مہدی شاہ کے خلاف کرپشن کیسزکی انکوائری کی منظوری دے دی گئی۔

سابق ڈائریکٹر سی ڈی اے اسد اللہ فیض سمیت دیگر کے خلاف ریفرنس دائر کرنے کی  بھی منظوری دی گئی۔

نیب حکام کا کہنا ہے کہ سی ڈی اے حکام پر کلینک کا پلاٹ کمرشل مقاصد کے لیے الاٹ کرنے کا الزام ہے۔

اجلاس میں سابق سفیر اے ایس بابر ہاشمی سمیت دیگر کے خلاف کرپشن ریفرنس دائر کرنے کی منظوری بھی دی گئی۔

سید طلعت محمودچیف ایگزیکٹیو آفیسر زید ٹی بی ایل ، سابق رکن پنجاب اسمبلی  ملک تنویر اسلم اعوان اور دیگر کے خلاف انکوائری کی  بھی منظوری دی گئی۔

پاکستان اسپورٹس بورڈ افسران  کے خلاف بھی انوسٹی گیشن کی منظوری دی گئی۔

چیئر مین نیب کا کہنا تھا کہ  نیب احتساب سب کے لیے کی پالیسی پر سختی سے عمل پیرا ہے۔ کرپشن فری پاکستان نیب کی اولین ترجیح ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More