عرب فیسٹیول ایوارڈ سجل علی کے نام، ’ہمیں آپ پر فخر ہے‘

اردو نیوز  |  Dec 03, 2020

معصومانہ انداز کے ساتھ ڈائیلاگز کی بہترین ادائیگی کر کے ہر کردار میں جان ڈال دینے والی پاکستان کی مشہور اداکارہ سجل علی کو ملک میں تو پذیرائی حاصل ہے مگر اب بین الاقوامی سطح پر بھی ان کی صلاحیتوں کا اعتراف کیا گیا ہے۔

سجل علی نے عرب فیسٹیول میں انٹرنیشل ایوارڈ حاصل کیا ہے جس پر شوبز انڈسٹری کے فنکاروں سمیت ان کے مداح بھی مبارکباد دیتے ہوئے نیک تمناؤں کا اظہار کر رہے ہیں۔

یوں تو سجل علی نے پاکستان میں بہت سے ایوارڈز اپنے نام کیے ہیں مگر اب اس انٹرنیشنل ایوارڈ جیتنے پر سوشل میڈیا صارفین کی جانب سے انہیں خوب سراہا جا رہا ہے۔

ٹویٹر صارف سیدہ ایمن نے سجل علی کی ایوارڈ کے ساتھ تصویر شیئر کرتے ہوئے مبارکباد کی ٹویٹ کی ہے ان کا کہنا ہے کہ ’آپ صحیح معنوں میں یہ ایوارڈ کی مستحق ہیں آپ ایک انمول ہیرا ہیں اور ہمیں اس پر فخر ہے۔‘

زنیرہ خان نامی صارف نے اپنے ٹویٹ میں  لکھا کہ ’ایوارڈ ملنے پر اپنی تقریر کا آغاز اسلام علیکم سے کرنے پر ہمیں آپ پر فخر ہے۔‘

ٹوئٹر صارف رابعہ نے لکھا کہ ’کوئی بھی آپ سے زیادہ اس ایوارڈ کا مستحق نہیں۔ اس لڑکی نے پچھلے کچھ سالوں سے بہترین اداکاری کی ہے۔ ان کی سکرپٹ کی سلیکشن عمدہ ہوتی ہے۔ مجھے کوئی ایک ان کا ایسا شو بتا دیں جو اچھا نہ ہو یا جس کا سکرپٹ بہترین نہ ہو، وہ اپنے مدمقابل خود ہی ہیں۔‘

وقاص نامی صارف کا کہنا ہے کہ انھوں نے حیرت انگیز طور پر آج تک سجل علی کا کوئی ڈرامہ نہیں دیکھا مگر وہ سجل علی کو اس کامیابی پر مبارکباد دیتے ہیں۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More