پاکستان ویمن ٹیم جنوبی افریقا کے خلاف سیریز کے لیے تیار، ڈیوڈ ہیمپ

بول نیوز  |  Jan 17, 2021

پاکستان ویمن کرکٹ ٹیم کے ہیڈ کوچ ڈیوڈ ہیمپ نے ڈربن سے آن لائن پریس کانفرنس کرتے ہوئے کہا کہ پاکستان ویمن ٹیم جنوبی افریقا کے خلاف سیریز کے لیے تیار ہے۔

تفصیلات کے مطابق پاکستان ویمن کرکٹ ٹیم کے ہیڈ کوچ ڈیوڈ ہیمپ کا کہنا ہے کہ بسمہ معروف ٹیم کے لیے کافی اہم ہوتی ہیں لہٰذا ان کی کمی محسوس ہوگی۔

متعلقہ خبرجنوبی افریقہ کی ٹیم پاکستان آنے کے لیے تیار

چیف ایگزیکٹو پاکستان کرکٹ بورڈ (پی سی بی) ، وسیم خان کا...

اس حوالے سے ڈیوڈ ہیمپ نے کہا کہ سیریز سے قبل تیاریوں کا اچھا موقع مل گیا ہے، مینز ٹیم بھی جنوبی افریقا سے سیریز کھیل رہی ہے۔

اُنہوں نے کہا کہ جنوبی افریقا ویمن اچھی سائیڈ ہے، ہمیں کافی اچھی کرکٹ کھیلنا ہوگی۔

ڈیوڈ ہیمپ نے مزید کہا کہ کھلاڑیوں کو کہا ہے ہر گیند پر رن لینے اور ہر گیند پر وکٹ لینے کا عزم کرو۔

اُنہوں نے کہا کہ ہدف کارکردگی میں تسلسل لانا ہے۔

ڈیوڈ ہیمپ نے بتایا کہ ٹیم کی صلاحیتوں پر کسی کو شک نہیں، ہم ساتویں پوزیشن پر ہیں لیکن زیادہ عرصہ اس پوزیشن پر نہیں رہنا چاہتے۔

دوسری جانب ڈیوڈ ہیمپ نے کہا کہ عالیہ ریاض اور عائشہ نسیم اچھی ہٹرز ہیں۔

واضح رہے کہ اُن کا کہنا تھا کہ اگرکرکٹ کھیلنی ہے تو بائیو سیکیور ببل اور کورونا وائرس ایس او پی کو اپنانا ہی ہوگا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More