ریسٹورنٹس میں ڈائیننگ کب سے کھل رہی ہے؟ بڑی خبر

بول نیوز  |  Jan 18, 2021

 وفاقی وزیر داخلہ شیخ رشید احمد کا کہنا ہے کہ ریسٹورنٹس میں ڈائیننگ کھلوانے کے لئے وزیراعظم سے آج بات کروں گا۔

تفصیلات کے مطابق اسلام آباد میں وفاقی وزیر داخلہ سے آل راولپنڈی ریسٹورنٹس ایسوسی ایشن کے وفد کی ملاقات ہوئی۔

اس ملاقات کے دوران شیخ رشید احمد نے ریسٹورنٹس ایسوسی ایشن کو یقین دہانی کرائی ہے کہ ریسٹورنٹس میں ڈائیننگ کھلوانے کے لئے وہ وزیراعظم سے آج بات کرے گے اور ریسٹورنٹس کے ملازمین کو بے روزگار نہیں ہونے دیں گے۔

شیخ رشید نےکہا کہ ہماری حکومت کا کام لوگوں کو روزگار فراہم کرنا ہے اس کے لئے اقدامات کر رہے ہیں۔

وفد کے شرکا کا کہنا تھا کہ بہتر حالات کے بعد اسکول کھولے گئے اب ایس او پی کے ساتھ ریسٹورنٹس کو بھی کام کرنے دیا جائے۔

وزیرداخلہ کا مزید کہنا تھا کہ ہم عوامی نمائیدے ہیں اور عوام کے مسائل کو سمجھتے ہیں، گیس پریشر اور کرونا سے متاثر ریسٹورنٹس کے لیے پیکج دیں گے۔

 واضح رہےکہ گزشتہ سال نو مبر میں وفاقی وزیر برائے منصوبہ بندی اور نیشنل کمانڈ اینڈ آپریشن سینٹر کے سربراہ اسد عمر نے کہا تھا کہ کرونا کی دوسری لہر پاکستان کے لیے بہت خطرناک ہوسکتی ہے، بند کمروں والے ریسٹورنٹس پر  پابندی عائد کردی ہے۔

ان کا مزید کہنا تھا کہ ریسٹورنٹ، ہوٹل اور تمام قسم کے فوڈ پوائنٹس کھانے پینے کے انتظامات صرف کھلی جگہوں پر کر سکتے ہیں۔

 

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More