یوٹیوب نے ٹرمپ پر عائد پابندی میں توسیع کردی

بول نیوز  |  Jan 20, 2021

یوٹیوب نے ڈونلڈ ٹرمپ پر عائد پابندی میں توسیع کردی۔

بین الاقوامی ذرائع ابلاغ کے مطابق ٹیوب کی جانب سے جاری بیان میں کہا گیا ہےکہ ڈونلڈ ٹرمپ پر عائد پابندی میں توسیع کی جارہی ہے جس کے بعد وہ اپنے یوٹیوب چینل پر مزید 7 روز تک کوئی ویڈیو اپ لوڈ نہیں کرسکیں گے اور نہ ہی لائیو اسٹریمنگ کی جاسکے گی۔

ٹرمپ پر عائد پابندی میں توسیع پر یوٹیوب نے مزید کہا کہ ٹرمپ کے چینل کی معطلی میں توسیع موجودہ کشیدہ اور پرتشدد حالات کے پیش نظر کی گئی ہے۔

واضح رہےکہ یوٹیوب نے کیپیٹل ہل حملے پر ٹرمپ کے رد عمل کو دیکھتے ہوئے ان کے یوٹیوب چینل پر 12 جنوری کو پابندی عائد کی تھی۔

 یوٹیوب کا کہنا تھا کہ امریکی صدر نے تشدد سے متعلق ان کی پالیسی کی خلاف ورزی کی ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More