طیارے پر آؤٹ آف کورٹ سیٹلمنٹ ہو جائے گی، وفاقی وزیر ہوا بازی

ہم نیوز  |  Jan 24, 2021

اسلام آباد: وفاقی وزیر برائے ہوا بازی غلام سرور خان نے بلاول بھٹو کی سوچ کو سراہتے ہوئے کہا ہے کہ جمہوریت میں جمہوری راستے ہی اپنانے چاہئیں۔

ہم نیوز کے مطابق پاکستان تحریک انصاف سے تعلق رکھنے والے وفاقی وزیر غلام سرور خان نے کہا کہ بلاول بھٹو تحریک عدم اعتماد لانا چاہتے ہیں تو ضرور لائیں۔

غلام سرورخان نے کہا کہ پارلیمنٹ کے باہر مقابلہ کیا ہے اور پارلیمنٹ کے اندر بھی مقابلہ کریں گے۔انہوں نے کہا کہ ہم عمران خان کے ساتھ سیسہ پلائی ہوئی دیوار کی طرح کھڑے ہیں۔

پی ٹی آئی کے وفاقی وزیر برائے ہوا بازی غلام سرورخان نے کہا کہ سینیٹ میں عدم اعتماد کی تحریک میں بھی منہ کی کھانا پڑے گی۔

ہم نیوز کے مطابق انہوں نے کہا کہ طیارے پر آؤٹ آف کورٹ سیٹلمنٹ ہوجائے گی، طیارہ جلد ریلیز ہوجائے گا۔

وفاقی وزیر برائے ہوا بازی غلام سرور خان نے اپوزیشن کو مشورہ دیا کہ وہ احتجاج کرنے کے بجائے الیکشن ریفارمز کے لیے مل کرکام کرے۔

بلاول کا حکومت کیخلاف تحریک عدم اعتماد لانے کا اعلان

ہم نیوز کے مطابق پی ٹی آئی کے وفاقی وزیر غلام سرور خان نے کہا کہ نیب قوانین میں ترمیم نہ کرنے پر سارے چور اکھٹے ہو گئے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More