فلم کی کہانی سچ ہو گئی، 19 سال کی لڑکی ایک دن کی وزیراعلیٰ بنا دی گئی

ہماری ویب  |  Jan 25, 2021

2001 میں ریلیز ہونے والی بھارت کی مشہور فلم نائیک کی کہانی سچ ہو گئی۔ اس فلم میں دکھایا گیا تھا کہ اداکار انیل کپور کو ایک دن کا وزیراعلیٰ مقرر کیا گیا۔

تاہم بھارت میں ہی اس فلم کی کہانی سچ ہو گئی اور 19 سالہ لڑکی کو ایک دن کے لیے وزیراعلیٰ بنادیا گیا۔

میڈیا رپورٹس کے مطابق شریشتی گوسوامی کو نیشنل گرل چائلڈ ڈے کے موقع پر ریاست اترکھنڈ کا ایک دن کا وزیراعلیٰ بنادیا گیا۔

اس حوالے سے لڑکی کی والدین کا کہنا تھا کہ ’ہمیں اپنی بیٹی پر فخر ہے، ہر بیٹی یہ سنگ میل عبور کر سکتی ہے ہمیں صرف ان کی مدد کی ضرورت ہے۔‘ شریشتی گوسوامی کے والدین نے ان کی بیٹی کو اس اعزاز کے لیے منتخب کرنے پر حکومت کا شکریہ بھی ادا کیا۔

انہوں نے دیگر والدین کو بھی تجویز دی کہ ’اپنی بیٹیوں کی سپورٹ کرنا نہ چھوڑیں، اس دور میں بیٹیاں سب کچھ حاصل کرسکتی ہیں، ہماری بیٹی سب کے لیے ایک مثال ہے۔‘

جبکہ وزیراعلیٰ منتخب ہونے والی اس 19 لڑکی کا کہنا تھا کہ مجھے خوشی ہے کہ مجھے ایک دن کا وزیراعلیٰ بننے کا اعزاز ملا ہے، اس پر میں وزیراعلیٰ اترکھنڈ تری ویندرا سنگھ راوت کا شکریہ بھی ادا کرتی ہوں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More