مزدور اور کسان دونوں اپنے مستقبل کے لیے پریشان ہیں،سراج الحق

بول نیوز  |  Jan 28, 2021

امیر جماعت اسلامی سراج الحق نے کہا ہے کہ مزدور اور کسان دونوں اپنے مستقبل کے لیے پریشان ہیں۔

 تفصیلات کے مطابق امیر جماعت اسلامی سینیٹر سراج الحق  نے اپنے بیان میں کہا کہ حکومت کی اب تک کی کارکردگی زبانی جمع خرچ اور پریس کانفرنسوں پر مبنی ہے۔

سراج الحق نے کہا کہ پی ٹی آئی نے ریکارڈ مہنگائی، بے روزگاری سے عوام کے اوسان خطا کر دئیے جبکہ وزیراعظم اپنے نعروں اور وعدوں سے یوٹرنز کے ساتھ ہیرو نہیں زیرو ہو چکے۔

امیر جماعت اسلامی کا کہنا تھا کہ ترقی اور خوشحالی کی متلاشی عوام نے تاریخی دھوکا کھایا ہے، پوائنٹ سکورنگ کے لیے چند پناہ گاہیں بنانے والوں کو اب کہیں پناہ نہیں ملے گی۔

سراج الحق نے کہا کہ زرعی ملک ہونے کے باوجود گندم، چینی اور کپاس کے لیے ہم غیروں کے محتاج ہو گئے ہیں جبکہ زرعی ملک ہونے کے باوجود عوام دو وقت کی روٹی سے محروم ہو رہے ہیں۔

امیر جماعت اسلامی سراج الحق نے مزید کہا کہ دریا سوکھ کر گندے پانی کے جوہڑوں میں تبدیل ہو چکے ہیں جبکہ کسان پانی کی بوند بوند کو ترس رہا ہے اورملک کی زراعت تباہی کے دہانے پر پہنچ چکی۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More