لندن: لاک ڈاؤن میں مرحلہ وار نرمی

بول نیوز  |  Feb 22, 2021

لاک ڈاؤن میں مرحلہ وار نرمی کا اعلان کردیا گیا ہے، برطانوی وزیراعظم نے روڈ میپ کا اعلان کردیا گیا۔

تفصیلات کے مطابق برطانوی وزیراعظم بورس جانسن نے پارلیمنٹ میں خطاب کرتے ہوئے ملک میں عائد لاک ڈاؤن میں مرحلہ وار نرمی سے متعلق اعلان کردیا۔

برطانوی وزیراعظم نے کہا کہ 21 جون تک لاک ڈاؤن کی تمام پابندیاں ختم کردی جائیں گی جبکہ لاک ڈاؤن چار مرحلوں میں ختم کیا جائے گا اور ہر مرحلے کے درمیان پانچ ہفتوں کا وقفہ ہوگا۔

بورس جانسن نے یہ بھی کہا کہ پہلا مرحلہ دو حصوں پر مشتمل ہوگا جبکہ 8 مارچ سے تمام اسکول کھل جائیں گے، آوٹ ڈور کھیلوں کی سرگرمیوں کی اجازت ہوگی اور بعض اسکول ٹیسٹ کے انتظامات کیلئے کچھ تاخیر سے کھل سکتے ہیں۔

برطانوی وزیراعظم کا کہنا تھا کہ 8 مارچ سےعوامی مقامات مثلاً پارک وغیرہ میں دو افراد مل کر پکنک کرسکیں گے جبکہ29 مارچ سے دو گھرانوں کے چھ افراد گھر سے باہر اور  پرائیوٹ گارڈن میں ملاقات کرسکیں گے اور کئیر ہومز کے ہر رہائشی کو ایک شخص سے ملاقات کی اجازت ہوگی جو ہاتھ بھی پکڑ سکے گا۔

بورس جانسن کا یہ بھی کہنا تھا کہ 29 مارچ سے ٹینس اور باسکٹ بال کورٹس اور گالف کورس کے علاوہ فٹ بال گراونڈ بھی کھل جائیں گے جبکہ29 مارچ سے لوگ اپنے علاقوں سے باہر جاسکیں گے لیکن وہاں رات گذارنے کی اجازت نہیں ہوگی۔

برطانوی وزیراعظم نے کہا کہ 12 مارچ سے مختلف گھرانوں جے افراد بئیر گارڈن میں ملاقات بھی کرسکیں گے جبکہ12 اپریل سے دکانیں، ہیر ڈریسرز، جم اور آوٹ ڈور مہمان نوازی کے شعبہ کھلے گا اور 17 مئی سے پب، ریاٹورنٹ اور سینما کھل جائیں گے۔

بورس جانسن نے یہ بھی کہا کہ مرحلہ وار پابندیوں کو ختم کرنے سے قبل چار شرائط کو لازما پورا کرنا ہوگا جبکہ ان شرائط میں، ویکسین پروگرام، اموات میں کمی، انفیکشن کی شرح اور نئے وائرس کی صورت حال شامل ہوگی۔

 برطانوی وزیراعظم بورس جانسن نے مزید کہا کہ حکومت باقاعدگی سے اقدامات کا جائزہ لے گی،سماجی دوری کم کرنے اور انٹرنیشنل ٹریول کی اجازت کا جائزہ لیا جائے گا ویلز، اسکاٹ لینڈ اور ناردرن آئرلینڈ لاک ڈاؤن میں نرمی کے حوالے سے مختلف حکمت عملی اختیار کرینگے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More