پاکستان، سری لنکا کے ساتھ تعلقات کو وسعت دینے کیلئے پر عزم ہے، وزیر خارجہ

بول نیوز  |  Feb 23, 2021

وزیراعظم عمران خان  کے دورہ سری لنکا کے موقع پر وزیر خارجہ مخدوم شاہ محمود قریشی نے سری لنکن ہم منصب ڈائنش گناوردنا کے ساتھ غیر رسمی ملاقات کی ہے۔

تفصیلات کے مطابق دونوں ملکوں کے وزرا خارجہ کے درمیان ملاقات میں دو طرفہ تعلقات، باہمی دلچسپی کے حامل کثیرالجہتی شعبہ جات میں دو طرفہ تعاون کے فروغ سمیت متعدد امور پر تبادلہ خیال کیا گیا ہے۔

سری لنکن ہم منصب نے سری لنکا آمد پر وزیر خارجہ کو خوش آمدید کہا۔ اس موقع پر ملاقات کے دوران شاہ محمود قریشی کا کہناتھا کہ پاکستان، سری لنکا کے ساتھ، گذشتہ کئی دہائیوں پر محیط دو طرفہ تعلقات کو خصوصی اہمیت دیتا ہے۔

انہوں نے کہا کہ پاکستان، سری لنکا کے ساتھ دو طرفہ تعلقات کو وسعت دینے اور مزید مستحکم بنانے کیلئے پر عزم ہے اور وزیرِ اعظم عمران خان کا یہ دورہ اسی عزم کا اظہار ہے۔

وزیرخارجہ کا کہنا تھا کہ پاکستان اور سری لنکا کے مابین دو طرفہ تجارت، سرمایہ کاری، صحت ، تعلیم، زراعت اور سائنس و ٹیکنالوجی سمیت متعدد شعبہ جات میں دو طرفہ تعاون کو فروغ دینے کے وسیع مواقع موجود ہیں۔

  انہوں نے کہا کہ پاکستان سری لنکا کی انسانی وسائل کی ترقی، سیکیورٹی تعاون ، دہشتگردی کے خلاف جنگ، ترقی اورخوشحالی میں ایک قابل فخرشراکت دارکے طورپرکھڑاہے۔

اس موقع پرسری لنکا کے وزیر خارجہ ڈائنش گناوردنا نے کہا کہ وزیرِ اعظم عمران خان کا یہ دورہ دونوں ملکوں کے مابین تعلقات اور تعاون کے فروغ میں مددگار ثابت ہوگا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More