ایک بار پھر پیٹرولیم مصنوعات کی قیمتوں میں اضافے کا امکان

بول نیوز  |  Feb 26, 2021

پاکستان میں یکم مارچ سے ایک بار پھر پیٹرولیم مصنوعات کی قیمتوں میں اضافے کا امکان ظاہر کردیا گیا ہے۔

تفصیلات کے مطابق اوگرا کی جانب سے پیٹرولیم ڈویژن کو پیٹرولیم مصنوعات کی قیمتوں میں اضافے کی سمری ارسال کردی گئی ہے۔

اوگرا کی ارسال کردہ سمری کے مطابق پیٹرول کی فی لیٹر قیمت میں 20روپے7پیسے اضافے کی تجویز دی گئی ہے جبکہ ڈیزل کی قیمتوں میں فی لیٹر 19 روپے 61 پیسے اضافے کی تجویز کی ہے۔

سمری میں مزید موجودہ پیٹرولیم لیوی کی بنیاد پر پیٹرول ڈیزل کی قیمت 6 روپے فی لیٹر بڑھنے کے امکانات ہیں تاہم پیٹرولیم مصنوعات کی مجوزہ قیمتوں کا تعین 30 روپے فی لیٹر لیوی کی بنیاد پر کیا گیا ہے۔

اس ضمن میں ذرائع کا کہنا ہے کہ پیٹرولیم مصنوعات میں ردوبدل کا حتمی فیصلہ وزارت خزانہ وزیراعظم کی مشاورت سے کرے گی۔

یاد رہے کہ فی لیٹر پیٹرول پر موجودہ عائد لیوی 17 روپے 97 پیسے اور فی لیٹر ڈیزل پر موجودہ عائد لیوی 18روپے 36 پیسے ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More