وزیر اعظم سے وزیراعلیٰ پنجاب کی ملاقات

بول نیوز  |  Feb 26, 2021

وزیر اعظم عمران خان سے لاہور میں وزیر اعلی پنجاب عثمان بزدار کی ملاقات ہوئی ہے۔

ملاقات میں صوبہ پنجاب میں جاری ترقیاتی منصوبوں کی پیشرفت اور سیاسی امور پر گفتگو کی گئی ہے۔

لاہور کے ایک روزہ دورے میں وزیراعظم کی چیف سیکرٹری اور آئی جی پنجاب سے بھی ملاقات متوقع کی جارہی ہے۔

یاد رہے کہ اس سے قبل لاہور کے ایک روزہ دورے میں سنٹرل بزنس ڈسٹرکٹ کے سنگ بنیاد رکھنے کی تقریب سے وزیراعظم عمران خان نے خطاب بھی کیا ہے۔

وزیراعظم نے کہا کہ سنٹرل بزنس ڈسٹرکٹ منصوبے کے سنگ بنیاد پر خوشی ہے، سنٹرل بزنس ڈسٹرکٹ کے باعث کاروباری سرگرمیوں میں اضافہ ہو گا، منصوبے کے پہلے مرحلے میں 1300 ارب روپے کی کاروباری سرگرمیاں ہوں گی۔

انہوں نے کہا کہ سنٹرل بزنس ڈسٹرکٹ ملک کی آمدنی میں اضافہ کا ذریعہ بنے گا، پہلے مرحلے میں 1300 ارب روپے کا اضافہ ہو گا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More