فاسٹ بولر شاہین آفریدی کے گھر خوشیاں ہی خوشیاں ،ہر طرف سے مبارکبادیں

روزنامہ اوصاف  |  Apr 08, 2021

اسلام آباد(نیو ز ڈیسک)قومی کرکٹ ٹیم کے نوجوان فاسٹ بولر شاہین شاہ آفریدی نے اپنی 21 ویں سالگرہ قومی ٹیم کے ساتھ جنوبی افریقا میں منائی۔پاکستان کرکٹ بورڈ کی جانب سے شاہین آفریدی کی قومی کرکٹ ٹیم کے ساتھ سالگرہ مناتے ایک ویڈیو شیئر کی گئی ہے۔ویڈیو میں حسن علی، محمد رضوان امام الحق، محمد حسنین، فخر زمان، حارث رؤف اور دیگر کھلاڑی شاہین آفریدی کے ہمراہ  دیکھے جاسکتے ہیں۔سالگرہ کی مناسبت سے کیک کو چوکلیٹس سے سجایا گیا تھااور اوپر ’ہیپی برتھ ڈے شاہین آفریدی‘ تحریر ہے۔شاہین آفریدی کے کیک کاٹنے کے ساتھ ہی حسن علی کیک لیکر شاہین آفریدی کے منہ پر لگا کر پیچھے کی طرف سے ہی بھاگ جاتے ہیں۔واضح رہے کہ 2018 میں انٹرنینشل کرکٹ میں ڈیبیو کرنے والے شاہین شاہ آفریدی پاکستان کی جانب سے کم ترین اننگز میں 50 وکٹیں لینے والے کھلاڑی بن گئے ہیں۔واضح رہے کہ جنوبی افریقہ کیخلاف سیریز جیتنے میں شاہین شاہ آفریدی نے اہم کردار ادا کیا۔شاہین شاہ آفریدی نے 3 میچوں میں 194 رنز دے کر 6 وکٹیں حاصل کیں، انہوں نے پہلے میچ میں 61 رنز دے کر 2 جبکہ دوسرے میچ میں 75 رنز کے عوض صرف ایک وکٹ اپنے نام کی، تیسرے مقابلے میں 58 رنز دے کر 3 کھلاڑیوں کو پویلین کی راہ دکھائی۔
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More