وزیراعظم کی رمضان میں اشیاء ضروریہ کی قیمتوں کی نگرانی کی ہدایت

ہم نیوز  |  Apr 13, 2021

وزیراعظم عمران خان نے ہدایت کی ہے کہ رمضان المبارک میں اشیا ضروریہ کی دستیابی اور قیمتوں کی سخت نگرانی کی جائے۔

رمضان المبارک کے  پیش نظر  اشیا ضروریہ کی  قیمتوں سے متعلق اجلاس کی صدرت کرتے ہوئے وزیراعظم نے کہا کہ غریب طبقے کو کسی مشکل کا سامنا نہ ہو۔ ناجائز منافع خوروں اور ذخیرہ اندوزوں کیخلاف قانونی کارروائی کو جاری رکھا جائے۔ بازاروں میں کورونا وبا سے متعلق ایس او پیز پر عمل درآمد کو بھی یقینی بنایا جائے۔

وزیر اعظم کی زیر صدارت رمضان المبارک کے پیش نظر قیمتوں سے متعلق اجلاس کو بتایا گیا کہ یوٹیلٹی اسٹورز پر 20کلو آٹے کا تھیلا 800 روپے اور چینی 68روپے فی کلو  پر دستیاب ہے۔

اجلاس کو بتایا گیا کہ گھی 170 روپے فی کلو پر ملک بھر کے یوٹیلٹی اسٹورز پر دستیاب ہے جبکہ یوٹیلیٹی اسٹورز پر یومیہ 2600 ٹن آٹا فروخت ہو رہا ہے۔ یوٹیلٹی اسٹورز پر یومیہ 2 ہزار ٹن چینی اور 1200 ٹن گھی فروخت ہورہا ہے۔

مزید پڑھیں: 

چیف کمشنر اسلام آباد نے اجلاس کو بتایا کہ وفاقی دارالحکومت میں متعدد مقامات پر سستے بازار قائم کیے گئے ہیں۔ سستے بازاروں میں اشیا ضروریہ کم قیمتوں پر دستیاب ہیں۔

چیف کمشنر اسلام آباد نے اجلاس کو بتایا کہ کورونا وبا کے پیش نظر موبائل وین کے ذریعے بھی اشیا ضروریہ دستیاب ہوں گی۔ چینی اور آٹے کی وافر مقدار میں دستیابی کو یقینی بنایا جائے گا

وفاقی وزیر برائے توانائی عمر ایوب نے اجلاس کو بتایا کہ سحری اور افطار کے اوقات میں کوئی غیر اعلانیہ بجلی کی لوڈ شیڈنگ نہیں کی جائیگی۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More