شارجہ میں میانداد کے چھکے کے بعد ڈنڈا کس کو لگا؟

ہم نیوز  |  Apr 18, 2021

شارجہ کے میدان میں بھارت کے خلاف جہاں جاوید میانداد کا آخری گیند پر لگایا گیا یادگار چھکا آج بھی شائیقن کو یاد ہے وہیں اُس میچ سے ایک اور مزے دار قصہ بھی جڑا ہے۔

جاوید میانداد نے جیسے ہی چیتن شرما کو چھکا لگایا تماشائی دوڑتے ہوئے میدان کے اندر داخل ہو گئے جنھیں باہر نکالنے کے لیے سیکیورٹی گارڈز نے ڈنڈوں کا سہار لیا۔

کہا جاتا ہے توصیف احمد، جو بھاگتے بھاگتے گر گئے تھے، وہ بھی ڈنڈے کی زد میں آ گئے تھے۔

اس حوالے سے توصیف احمد نے ایک انٹرویو میں بتایا کہ جاوید بھائی تو چھکا لگا کر نکل گئے، لیکن میں کسی سے ٹکرا کر گر گیا تھا۔

انہوں نے بتایا کہ ذاکر خان مجھے اٹھانے کے لیے جھکے اور انہیں ہی وہ ڈنڈا لگا تھا۔

ان کا کہنا تھا کہ بہت عرصے بعد ذاکر سے میرا اس حوالے سے ذکر بھی ہوا تھا۔  بہر حال مجھے لوگ اسی طرح پہچان رہے تھے میرے لیے تو خوشی کی بات ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More