مقبوضہ کشمیر میں کورونا کی خراب صورتحال، وینٹی لیٹر بھارت منتقل

ہم نیوز  |  May 05, 2021

اسلام آباد: حریت رہنما یاسین ملک کی اہلیہ مشعال ملک نے الزام عائد کیا ہے کہ مقبوضہ کشمیر میں کورونا کی صورتحال انتہائی خراب ہے اور وہاں موجود وینٹی لیٹر بھارت منتقل کر دیے گئے ہیں۔

حریت رہنما یاسین ملک کی اہلیہ مشعال حسین ملک نے اپنے ایک بیان میں کہا ہے کہ مقبوضہ کشمیر میں دن بدن کورونا کی صورتحال بگڑتی جارہی ہے۔

مشعال ملک کا کہنا ہے کہ مقبوضہ کشمیر میں 2 لاکھ سے زائد کورونا کیسز ہیں جبکہ 2 ہزار 5 سو سے زائد کشمیری کورونا کے باعث جاں بحق ہو چکے ہیں۔ مقبوضہ کشمیر میں طبی سہولیات بھی موجود نہیں ہیں۔

انہوں نے مزید کہا کہ مقبوضہ کشمیر میں 250 وینٹی لیٹر تھے، وہ بھی بھارت منتقل کردیے گئے جبکہ مقبوضہ کشمیر میں قید کشمیریوں کو تہاڑ جیل منتقل کیا جارہا ہے جہاں کورونا تیزی سے پھیل رہا ہے۔

یہ بھی پڑھیں: 

عالمی برادری سے نوٹس لینے کا مطالبہ کرتے ہوئے مشعال ملک نے کہا کہ جیل میں ویکسین سمیت ٹیسٹ کی سہولت بھی نہیں دی جا رہی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More