بیکریوں اور دودھ کی دکانوں سے متعلق نیا حکم نامہ جاری

بول نیوز  |  May 08, 2021

محکمہ داخلہ سندھ کی جانب سے  بیکریوں اور دودھ کی دکانوں سے متعلق نیا حکم نامہ جاری کیا گیا ہے۔

تفصیلات کے مطابق محکمہ داخلہ سندھ کی جانب سے صوبے میں دودھ کی دکانیں اور بیکریاں رات 12 بجے تک کھلے رکھنے کا فیصلہ کیا گیا ہے۔

 اس سے قبل سندھ حکومت کی جانب سے جاری کردہ اعلامیے میں کہا گیا تھا کہ کل سے اتوار تک ریسٹورنٹس کو مغرب تک ٹیک اوے کی اجازت ہوگی جبکہ مغرب کے بعد صرف ہوم ڈلیوری کی جائے گی۔

لاک ڈاؤن کے دوران اشیائے خوردونوش، میڈیکل اسٹورز ، فروٹ اور سبزی کی دکانیں مقررہ اوقات تک کھولنے کی اجازت ہوگی۔

اعلامیے میں بتایا گیا تھا کہ گروسری شاپ شام 6 بجے تک کھلی رہیں گی جبکہ عید کے دنوں میں ہاکس بے، سی ویو  کو مکمل بند رکھا جائے گا۔

اعلامیے میں یہ بھی بتایا گیا تھا کہ اتوار سے عید کی چھٹیوں تک مزید سختیاں کی جائیں گی اور ایس او پیز پر ہر صورت عمل کرایا جائے گا۔

کورونا روک تھام کے لئے سندھ حکومت نے بین الصوبائی ٹرانسپورٹ اور سندھ کے ایک شہر سے دوسرے شہر جانے والی گاڑیوں کی آمد و رفت بھی مکمل بند کی ہوئی ہے۔

عید الفطر کی آمد کے پیشِ نظر این سی او سی کی جانب سے ملک بھر کے تمام سیاحتی مقامات کو بند رکھنے کا اعلان کیا ہوا ہے جبکہ تمام صوبوں نے بھی مکمل لاک ڈاؤن کے نفاذ کا اعلان کیا ہے۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More