امام کعبہ نے پاکستان کے دورے کی دعوت قبول کر لی

ہم نیوز  |  May 09, 2021

وزیراعظم عمران خان سے حرمین شریفین کے آئمہ کرام نے ملاقات کی ہے جس میں وزیراعظم نے امام کعبہ سے پاکستان کی ترقی کیلئے خصوصی دعا کی درخواست کی۔

ذرائع کے مطابق امام کعبہ نے بین المذاہب کے فروغ اور اسلاموفوبیا کے خلاف وزیراعظم کے اقدامات کو سراہا اور انہیں سعودی عرب کے کامیاب دورے کی مبارکباد بھی دی۔

امامہ کعبہ نے کہا کہ وزیراعظم عمران خان کےاقدامات کی کامیابی کیلئے دعاگو ہیں۔

اس موقع پر وزیراعظم نےامام کعبہ اورعلماکرام کودورہ پاکستان کی دعوت دی جو انہوں نے قبول کر لی۔

اس سے پہلے وزیراعظم عمران خان نے سیکریٹری جنرل او آئی سی سے ملاقات کی۔

وزیراعظم نے اسلامو فوبیا کیخلاف او آئی سی کے پلیٹ فارم سے مشترکہ لائحہ عمل دینے پر زور دیا۔

انہوں نے کہا کہ اسلام کو دہشتگردی سے جوڑنے کی اجازت کسی کو نہیں ہونی چاہئے، مذہبی انتہا پسندی کے خاتمے کیلئے دنیا کو مل بیٹھ کر مسائل حل کرنا ہوں گے۔

وزیراعظم عمران خان نے مسجد اقصیٰ پر اسرائیلی حملے کی شدید الفاظ میں مذمت کی۔

انہوں نے کہا کہ دنیا فلسطینیوں کی حفاظت کیلئے اپنا کردار ادا کرے اور انہیں حقوق دلائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More