اسلم اقبال کی اہل وطن کو عید الفطر کی مبارکباد

بول نیوز  |  May 13, 2021

صوبائی وزیر صنعت و تجارت میاں اسلم اقبال نے  اہل وطن کو عید الفطر کی مبارکباد دی ہے۔

تفصیلات کے مطابق صوبائی وزیر صنعت و تجارت میاں اسلم اقبال نے اپنے ایک بیان میں کہا کہ عید الفطر اللہ تعالیٰ کا مسلمانوں کے لئے خاص انعام اور تحفہ ہے اور یہ دن اہل اسلام کے لئے محبت اور باہمی اتحاد کا پیغام لے کر آتا ہے۔

اسلم اقبال نے کہا کہ مسلمانوں کے لئے تشکر اور سجدہ شکر بجا لانے کا دن ہے اس دن وسائل سے محروم طبقات کو عید کی خوشیوں میں شامل کرنا ہمارا دینی، اخلاقی اور قومی فریضہ ہے ۔

انہوں نے کہا کہ نادار اور بےسہارا افراد کوعید کی خوشیوں میں شریک کرنا ہی اصل عید ہے۔

اسلم اقبال کا کہنا تھا کہ حکومت نے رمضان المبارک کے دوران عام آدمی کو ریلیف کی فراہمی کے لئے ساڑھے 5 ارب روپے کا رمضان پیکج دیا ہے۔

صوبائی وزیر صنعت و تجارت نے یہ بھی کہا کہ غریب طبقات کا معیار زندگی بلند کرنے کے لئے بے مثال پروگرام شروع کیے گئے ہیں۔

اسلم اقبال نے کہا کہ پوری دنیا کی طرح پاکستان بھی کورونا کی شدید لہر کی لپیٹ میں ہے، ہمیں آج کے دن کورونا سے معاشی طور پرنقصان اٹھانے والے محنت کشوں کا بھی خیال رکھنا ہے۔

انہوں نے کہا کہ قوم عید سادگی سے منائے اور احتیاطی تدابیر کا دامن ہاتھ سے نہ چھوڑے اور انسدادِ کورونا کے حوالے سے ہر فرد ایس او پیز پر عمل کر کے اپنی ذمہ داری نبھائے۔

صوبائی وزیر صنعت و تجارت میاں اسلم اقبال نے  مزید کہا کہ آج کے دن ملک کی سلامتی، ترقی و خوشحالی اور استحکام کے لئے خصوصی دعائیں کی جائیں۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More