عمران خان مسلم امہ کے لیڈر کا کردار ادا کر رہے ہیں،فوادچوہدری

بول نیوز  |  May 14, 2021

وفاقی وزیراطلاعات فوادچوہدری نے کہا ہے کہ عمران خان مسلم امہ کے لیڈر کا کردار ادا کر رہے ہیں۔

تفصیلات کے مطابق وفاقی وزیر اطلاعات فوادچوہدری نے عید کے دن اپنے آبائی گھر لدھڑ ہاؤس دینہ میں میڈیا  سے گفتگو کرتے ہوئے کہا کہ پاکستان کی عوام کے دل فلسطین کے ساتھ دھڑکتے ہیں، ہماری تمام تر خواہشیں، امید اور ہمدردیاں فلسطین کے ساتھ ہیں۔

فوادچوہدری نے کہا کہ فلسطین کے متعلق پالیسی کی بنیاد قائداعظم نے رکھی تھی، قائداعظم کی پالیسی کے امین وزیراعظم عمران خان ہیں۔

وفاقی وزیراطلاعات کا کہنا تھا کہ کشمیر اور فلسطین مسلم ورلڈ کے تنازعات ہیں، ہمارے بنیادی مسائلے کشمیر اور فلسطین کے حل سے جڑے ہوئے ہیں۔

فوادچوہدری کا یہ بھی کہنا تھا کہ عمران خان کل سے عالمی لیڈروں سے رابطے میں ہیں، طیب اردگان گنگ سلمان بن عبدالعزیز اور محمود عباس سے بھی بات کی ہے۔

وفاقی وزیراطلاعات فوادچوہدری کا مزید کہنا تھا کہ اپوزیشن سمیت سب کو کہوں گا کہ ماسک پہنیں اور گھر رہیں تاکہ محفوظ رہیں۔

--> Double Click 970 x 90
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More