نئی دہلی، ممبئی میں کیسز میں کمی، تاہم انڈیا کے دیہات میں کورونا کے وار جاری

اردو نیوز  |  May 16, 2021

انڈیا کے دو سب سے بڑے شہروں دارلحکومت نئی دہلی اور ممبئی میں روزانہ کے کورونا کیسز میں کمی دیکھنے میں آئی ہے تاہم حکومت نے خبردار کیا ہے کہ وبا دیہی علاقوں میں تیزی سے پھیل رہی ہے۔

خیال رہے انڈیا کی ایک ارب 30 کروڑ سے زائد آبادی کا دو تہائی حصہ دیہات میں رہتی ہے۔

خبر رساں ادارے اے پی کے مطابق گزشتہ 24 گھنٹوں کے دوران  انڈیا میں کورونا کے تین لاکھ 26 ہزار 98 نئے کیسز سامنے آئے جب کہ وبا سے ایک دن میں تین ہزار 890 اموات رپورٹ ہوئی۔

تاہم ماہرین کا کہنا ہے کہ کیسز اور اموات کی اصل تعداد اس سے کہیں زیادہ ہے۔

جمعے کو وزیراعظم نریندر مودی نے لوگوں سے اضافی احتیاطی تدابیر اختیار کرنے کا کہا تھا اور ان کا کہنا تھا کہ وبا دیہاتی علاقوں میں تیزی سے پھیل رہی ہے۔

انہوں نے کہا تھا کہ وبا پر قابو پانے کے لیے حکومت تمام وسائل بشمول فوج کو بروئے کار لارہی ہے۔

رپورٹس کے مطابق گاؤں اور دیہات کے بے یار و مددگار دیہاتی اپنے بیمار رشتہ داروں کو لے کر قریبی ٹاؤن اور شہروں کا رخ کر رہے ہیں کیونکہ دیہاتی علاقوں  میں صحت کی مناسب سہولیات دستیاب نہیں۔

انڈیا کے دارالحکومت دہلی میں گزشتہ 24 گھنٹوں کے دوران ایک مہینے بعد دس ہزار سے کم کیسز سامنے آئے ہیں۔ گزشتہ 24 گھنٹوں کے دوران دہلی میں کورونا کے آٹھ ہزار 506 نئے کیسز سامنے آئے۔

انڈیا کے معاشی دارالحکومت ممبئی میں سب سے زیادہ 11 ہزار روزانہ کیسز کے بعد آج کل دو ہزار سے کم کیسز سامنے آرہے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More