پیپلزپارٹی عوام کا پیسہ اپنی ذات پر خرچ کررہی ہے، خرم شیر زمان

بول نیوز  |  Jun 11, 2021

پی ٹی آئی کراچی کے صدر خرم شیر زمان نے کہا ہے کہ پیپلزپارٹی عوام کا پیسہ اپنی ذات پر خرچ کررہی ہے۔

تفصیلات کے مطابق پی ٹی آئی کراچی کے صدر خرم شیر زمان نے اپنے بیان میں کہا کہ کراچی میگا سٹی میں ٹرانسپورٹ کی ابتر صورتحال کی ذمہ دار پی پی ہے۔

پی ٹی آئی کراچی کے صدر نے کہا کہ کراچی میں ٹرانسپورٹ کے معاملے پر پیپلز پارٹی کو سنگ دل کہا جائے یا ضدی حکمران، سندھ حکومت کے ٹرانسپورٹ کے منصوبوں کی مدت شاید 50 سال ہے۔

خرم شیر زمان نے یہ بھی کہا کہ سندھ حکومت نے ٹرانسپورٹ کا بجٹ 17 ارب مختص کیا جس میں 7 کروڑ خرچ ہوئے۔

پی ٹی آئی کراچی کے صدر کا کہنا تھا کہ سندھ حکومت کی بسیں شہریوں کیلئے خواب بن گئیں ہیں، پیپلزپارٹی نے شہریوں کو نجی ٹرانسپورٹرز کے رحم و کرم پر چھوڑا ہوا ہے۔

خرم شیر زمان کا یہ بھی کہنا تھا کہ پیپلزپارٹی عوام کا پیسہ اپنی ذات پر خرچ کررہی ہے، اٹھارویں ترمیم سے سب سے زیادہ کراچی کے شہریوں کو نقصان پہنچا ہے۔

پی ٹی آئی کراچی کے صدر خرم شیر زمان کا مزید کہنا تھا کہ محروم عوام رکشوں اور ٹیکسیوں کے منہ مانگے دام بھرنے پر مجبور ہیں، ٹرانسپورٹ کا مسئلہ صوبائی حکومت نے کبھی اپنی ترجیحات میں شامل نہیں کیا۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More