یہ بجٹ معیشت کو مزید آگے لے جانے میں معاون ثابت ہوگا، راجہ بشارت

بول نیوز  |  Jun 11, 2021

صوبائی وزیر قانون راجہ بشارت نے کہا ہے کہ یہ بجٹ معیشت کو مزید آگے لے جانے میں معاون ثابت ہوگا۔

تفصیلات کے مطابق صوبائی وزیر قانون راجہ بشارت نے وفاقی بجٹ پر اظہار خیال کرتے ہوئے کہا کہ کورونا وباء کے چیلنج کے باوجود پی ٹی آئی حکومت نے  عوام دوست بجٹ پیش کیا۔

صوبائی وزیر قانون نے کہا کہ وزیر اعظم عمران خان اور انکی حکومت کو متوازن بجٹ پیش کرنے پر مبارکباد پیش کرتا ہوں۔

راجہ بشارت نے یہ بھی کہا کہ سرکاری ملازمین کی تنخواہ اور پنشن میں اضافہ خوش آئند ہے، اس سے قبل مارچ میں بھی سرکاری ملازمین کی تنخواہوں میں 25 فیصد اضافہ کیا جا چکا ہے۔

صوبائی وزیر قانون راجہ بشارت نے مزید کہا کہ کم آمدنی اور غریب طبقے کی بہبود کا خاص خیال رکھا گیا ہے، یہ بجٹ معیشت کو مزید آگے لے جانے میں معاون ثابت ہوگا۔

واضح رہے کہ آج اپوزیشن کے شور شرابے میں پی ٹی آئی حکومت کا تیسرا بجٹ پیش ہوا۔

 وزیر خزانہ کا بجٹ پیش کرتے ہوئے کہنا تھا اس بار غریب کو مکمل پیکج دیں گے، سرکاری ملازمین کی تنخواہ میں 10 فی صد اضافے کا اعلان کیا گیا ہے، کم سےکم اجرت 20 ہزار روپے ماہانہ ہوگی۔

وزیر خزانہ کا مزید کہنا تھا کہ آئندہ مالی سال کے لیے ترقیاتی بجٹ میں 40 فی صد اضافہ کیا گیا ہے، ترقیاتی فنڈ 600 ارب روپے سے بڑھا کر 900 ارب روپے کر دیا گیا، کراچی بحالی منصوبے کے لیے وفاق 98 ارب روپے دے گا۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More