بجٹ صوبے کی ترقی کیلئے ایک روڈمیپ ہے،عثمان بزدار

بول نیوز  |  Jun 18, 2021

وزیراعلیٰ پنجاب سردار عثمان بزدار نے کہا ہے کہ بجٹ صوبے کی ترقی کیلئے ایک روڈمیپ ہے۔

تفصیلات کے مطابق وزیراعلیٰ پنجاب سردار عثمان بزدار سے معاون خصو صی برائے اطلاعات ڈاکٹر فردوس عاشق اعوان کی ملاقات ہوئی جس میں ڈاکٹر فردوس عاشق اعوان نے عوام دوست بجٹ پیش کرنے پر وزیراعلیٰ پنجاب سردار عثمان بزدار کو مبارکباد دی

اس موقع پر وزیراعلیٰ پنجاب سردار عثمان بزدار نے کہا کہ بجٹ میں صوبے کے عوام کیلئے سہولتیں پیدا کی گئی ہیں، ہمار ابجٹ عوام دوست،کسان دوست،صنعت کار دوست اورملازم دوست ہے۔

عثمان بزدار نے یہ بھی کہا کہ پنجاب کی تاریخ میں پہلی بار ہر ضلع کا ڈویلپمنٹ پیکیج تیار کیا گیا ہے،560 ارب روپے کے ترقیاتی پروگرام سے صوبے کے ہر شہر میں انقلاب آئے گا۔

وزیراعلیٰ پنجاب سردار عثمان بزدار نے مزید کہا کہ اپوزیشن چاہے بھی تو اس بہترین بجٹ پر تنقید نہیں کر سکتی، پنجاب کا بجٹ باآسانی منظور ہوگا۔

ملاقات میں معاون خصو صی برائے اطلاعات ڈاکٹر فردوس عاشق نے کہا کہ سابق حکمرانوں نے عوامی منصوبوں میں ریکارڈ لوٹ مار کی، ماضی کے منصوبوں میں کرپشن کی داستانیں آج بھی زبان زدعام ہیں۔

فردوس عاشق نے یہ بھی کہا کہ وزیراعظم عمران خان اور وزیراعلیٰ پنجاب سردار عثمان بزدار کی شفافیت پر کوئی انگلی نہیں اٹھا سکتا۔

معاون خصو صی برائے اطلاعات ڈاکٹر فردوس عاشق نے مزید کہا کہ بہترین بجٹ پر پی ڈی ایم ٹولے کے چہروں پربوکھلاہٹ اور مایوسی عیاں ہے۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More