نور مقدم قتل کیس: پوسٹ مارٹم رپورٹ پولیس کو موصول

بول نیوز  |  Jul 23, 2021

اسلام آباد میں قتل ہونے والی سابق سفارتکار کی بیٹی نور مقدم کی پوسٹ مارٹم رپورٹ پولیس کو موصول ہوگئی۔

رپورٹ کے مطابق نور مقدم کی موت کی وجہ دماغ کو آکسیجن سپلائی کی بندش ہے۔

پوسٹ مارٹم رپورٹ میں یہ بھی کہا گیا ہے کہ مقتولہ کا سر دھڑ سے الگ کیا گیا اور مقتولہ کے جسم پر تشدد کے متعدد نشانات پائے گئے۔

رپورٹ میں مزید کہا گیا ہے کہ مقتولہ کے گھٹنے کے نیچے کے حصے پر زخموں کے متعدد نشان ہیں جبکہ مقتولہ کے جسم پر متعدد مقامات پر چاقو کے گہرے زخم ہیں۔

ذرائع کا کہنا ہے کہ مقتولہ کے معدے سے لیا گیا مواد فارنزک کیلئے لیبارٹری بھجوایا گیا ہے تاہم معدے کی فارنزک رپورٹ پولیس کو تاحال موصول نہیں ہوئی۔

واضح رہے گزشتہ روز وفاقی دارالحکومت اسلام آباد میں سابق سفیر کی بیٹی کو قتل کر دیا گیا تھا۔

 پولیس کا کہنا تھا کہ لڑکی کے والد شوکت علی مقدم کی مدعیت میں قتل کی دفعہ 302 کے تحت مقدمہ تھانہ کوہسار میں درج کیا گیا ہے۔

اسلام آباد کے تھانہ کوہسار کی حدود میں قتل ہونے والی نور مقدم کے والد شوکت علی مقدم نے بیٹی کے قتل کے حوالے سے بیان دیتے ہوئے کہا تھا رات کو تھانہ کوہسار سے کال آئی کہ نور مقدم کا قتل ہو گیا ہے اور جب میں نے موقع پر پہنچ کر دیکھا تو میری بیٹی کا گلا کٹا ہوا تھا۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More