کے پی کے صحت انصاف کارڈ کے ذریعے لوگوں کو مفت طبی سہولیات فراہم

بول نیوز  |  Aug 03, 2021

کے پی کے حکومت کے صحت انصاف کارڈ سے 74 لاکھ 70 ہزار افراد کو مفت طبی سہولیات فراہم کی جارہی ہیں۔

تفصیلات کے مطابق صحت انصاف کارڈ کے ذریعے عوام کو کینسر اور دل کی بیماریوں سمیت دیگر سہولیات فراہم کی جارہی ہیں ، صوبائی دارالحکومت میں سب سے زیادہ 7 لاکھ 57 ہزار افراد صحت انصاف کارڈ سے مستفید ہورہے ہیں۔

کے پی کے محکمہ صحت کے مطابق مردان 6لاکھ جبکہ سوات کے 5لاکھ 98 ہزار افراد کو مفت طبی سہولیات فراہم کی جارہی ہیں ، صوابی میں 4 لاکھ 45 ہزار اور ایبٹ آباد میں 4لاکھ 32 ہزار سے زائد افراد صحت انصاف کارڈ کے تحت مفت طبی سہولیات کے حقدار ہیں۔

محکمہ صحت کے مطابق چارسدہ کے 4 لاکھ 19 ہزار جبکہ نوشہرہ میں 3 لاکھ 43 ہزار سے زائد عوام رجسٹرڈ ہے ، ڈی آئی خان کے 3لاکھ 36 ہزار عوام صحت انصاف کارڈ کے تحت مفت علاج کرواسکتی ہے ، ضلع تور خم میں سب سے کم 30 ہزار افراد صحت انصاف کارڈ کے ساتھ رجسٹرڈ ہیں۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More